Kjarasamningur við Atlanta felldur
Niðurstaðan í atkvæðagreiðslu um um kjarasamning FÍA við Flugfélagið Atlanta, sem undirritaður var 31. janúar 2020, er lokið og var honum hafnað með yfirgnæfandi meirihluta.
Kosningaþátttaka var 85,58% en af þeim höfnuðu 92,13% samningnum á meðan 7,87% voru honum fylgjandi.
Lesa meira
Forvarnir gegn hjarta- og æðasjúkdómum
Tómas Guðbjartsson, hjartaskurðlæknir, heldur erindi um forvarnir gegn hjarta- og æðasjúkdómum í Hlíðasmáranum 5. mars kl. 12-14.
Allir félagsmenn eru velkomnir á hádegisfundinn sem er á vegum starfsmenntasjóðs.
Lesa meira
Kynning á frambjóðendum
Nýtt fréttabréf FÍA er nú komið út en þar gefur m.a. að líta kynningar á öllum þeim sem eru í framboði til stjórnarsetu á næsta aðalfundi.
Lesa meira
Aðalfundur FÍA 2020
Aðalfundur FÍA verður haldinn þann 20. 02. 2020, kl. 20:00 á Grand Hóteli Reykjavík. Kosning í embætti hefst viku fyrir aðalfund en meðlimir FÍA fá nánari upplýsingar um það í tölvupósti.
Lesa meira
Ertu farin/nn að hugsa um lífið á efstu hæð?
Starfsmenntasjóður FÍA heldur opinn fund um lífeyrismál, þriðjudaginn 4. febrúar kl. 12-14 í Hlíðasmára 8. Á fundinum mun Gunnar Baldvinsson, framkvæmdastjóri Almenna lífeyrissjóðsins, ræða um fjármál einstaklinga og eftirlaunasparnað.
Hjá flestum eru eftirlaunaárin um það bil fjórðungur af fullorðinsárunum, jafnvel meira hjá sumum. Hvað geta einstaklingar reiknað með að fá í eftirlaun þegar þeir láta af störfum? Hvað geta þeir gert ef þeir vilja stuðla að hærri eftirlaunum? Og hvað á að gera þegar taka eftirlauna hefst?
Efni fyrirlestursins byggir að hluta á bókinni Lífið á efstu hæð en í henni er bent á atriði sem gott er að hafa í huga til að undirbúa fjármál við starfslok.
Lesa meira
Sala á miðum fyrir RFSS 2020
Miðasala á hina árlegu ráðstefnu FÍA, Reykjavík Flight Safety Symposium, er nú hafin á tix.is.
Í ár verður hún haldin þann 13. mars frá kl. 09:00-16: 00 á Hilton Reykjavík Nordica. Miðaverði er að vanda stillt í hóf, aðeins 3.400 kr., og er hádegishlaðborð innifalið.
Áhersla á eldfjallavá
Ráðstefnan, sem skipulögð er af öryggisnefnd FÍA, hefur skapað sér sess á undanförnum árum og laðar að sér fólk alls staðar að úr flugiðnaðinum. Sem endranær verða viðfangsefnin fjölbreytt en sérstök áhersla verður sett á eldfjallavá.
Fyrirlesarar á RFSS 2020 eru:
- Sara Barsotti frá Veðurstofu Íslands
- Rory Clarkson frá Rolls-Royce
- Harry Nelson fyrrverandi tilraunaflugmaður hjá Airbus
- Hlín Hólm formaður NAT-SPG
- Antti Touri frá HUPER nefnd IFALPA
Allir fyrirlestrar og helstu umræður munu fara fram á ensku. Aðgangseyrir er hóflegur, aðeins kr. 3.400, og er hádegishlaðborð og aðrar gæðaveitingar innifaldar í verði. Miðasala er hafin á tix.is.
Lesa meira
Lokað um hátíðarnar
Skrifstofa FÍA verður lokuð milli Þorláksmessu og nýársdags, að báðum dögum meðtöldum.
Lesa meira
Fréttabréf desembermánaðar
Fréttabréf FÍA er komið út! Meðal efnis eru fréttir af alþjóðanefnd og samgöngunefnd, upplýsingar um aðalfund og Reykjavík Flight Safety Symposium, myndir úr starfinu og fleira!
Lesa meira
Blessuð blíðan 10. des!
Einar Sveinbjörnsson heldur fyrirlestur sem kallast Blessuð blíðan, þriðjudaginn 10. desember kl. 12 í húsakynnum FÍA, Hlíðasmára. Erindið er á vegum Starfsmenntastjóðs en Einar mun fjalla um framfarir í veðurfræði, úrvinnslu og framsetningu gagna ásamt því að fara um víðan völl með tilliti til okkar starfs.
Lesa meira
Heilsa á ferð og flugi - 26. nóvember
Þriðjudaginn 26. nóvember standa starfsmenntasjóður og sjúkrasjóður FÍA fyrir áhugaverðum fyrirlestri þegar Margrét og Elísa Viðarsdætur halda fyrirlestur um heilsu á ferð og flugi. Systurnar sameina krafta sína og sérþekkfræðiþekkingu í erindi sem tekur á geðheilbrigði og næringu og útskýra hvernig megi tengja þessa þætti saman til að hámarka árangur í vinnunni eða almennt fá það besta út úr sjálfum sér.
Fyrirlesturinn hefst kl. 12:00, þriðjudaginn 26. nóvember, í húsakynnum FÍA í Hlíðasmára 8.
Lesa meira
Reykjavíkurflugvöllur (BIRK) sem varaflugvöllur
Frá Öryggisnefnd FÍA
Áhafnir flugvéla hafa í gegnum tíðina getað reitt sig á Reykjavíkurflugvöll sem ákjósanlegan varaflugvöll. Undanfarin ár hefur þó þrengt að vellinum, ekki síst vegna takmarkana á þjónustutíma sem auglýstur er í flugmálahandbók (AIP Iceland).
Samkvæmt upplýsingum í flugmálahandbók er völlurinn lokaður fyrir allri umferð frá kl. 2300 að kvöldi til kl. 0700 að morgni alla virka daga og frá kl. 2300 að kvöldi til kl. 0800 að morgni um helgar. Flugvöllurinn er einnig lokaður ýmsa helgidaga. Reykjavíkurflugvöll er þó hægt að fá opnaðan með flugupplýsingaþjónustu (AFIS) utan þjónustutíma með 15 mínútna fyrirvara m.a. fyrir millilandaflug sem notar flugvöllinn sem varaflugvöll.
Sjá hér.
Nú hafa komið upp amk. tvö tilvik á 18 mánuðum þar sem væntingar flugmanna til þessarar þjónustu hafa brugðist og Isavia ekki tekist að gera flugvöllinn nothæfan á 15 mínútum eins og kemur fram í flugmálahandbók.
Það er því mat Öryggisnefndar FÍA að sýna þurfi sérstaka aðgát ef nota þarf Reykjavíkurflugvöll sem varaflugvöll utan auglýsts þjónustutíma ef líkur eru á ísingu og skertum bremsuskilyrðum.
Lesa meira
Fréttabréf októbermánaðar
Fréttabréf októbermánaðar er komið út en þar er meðal annars farið í saumana á flugnámi og jafnrétti til náms.
Sjá hér.
Lesa meira
-
-
- Síða 12/28
-
-
