Opið bréf til lífeyrissjóða – eigenda Icelandair
Við undirrituð, fyrir hönd Flugvirkjafélags Íslands (FVFÍ), Félags íslenskra atvinnuflugmanna (FÍA) og Flugfreyjufélags Íslands (FFÍ), höfum áhyggjur af þeirri stefnu sem Icelandair virðist vera að taka og áhrifum hennar á starfsfólk, íslenskan vinnumarkað og framtíð íslenskrar flugstarfsemi.
Icelandair er eitt mikilvægasta fyrirtæki landsins og gegnir lykilhlutverki í íslensku atvinnulífi. Samskipti félagsins við stéttarfélög starfsfólks hafa um árabil verið krefjandi. Núverandi staða vekur áhyggjur sem ná langt út fyrir hefðbundnar kjaradeilur.
Þótt flugvirkjar, flugmenn og flugfreyjur og -þjónar eigi í ólíkum kjaraviðræðum við félagið eiga stéttirnar sameiginlegra hagsmuna að gæta þegar kemur að framtíð íslenskrar flugstarfsemi, starfsöryggi og virðingu fyrir samningsrétti starfsfólks.
Árið 2020 stóð Icelandair frammi fyrir miklum rekstrarerfiðleikum. Þá lagði íslenskt samfélag félaginu lið með stuðningi við fjármögnun þess og starfsfólk tók á sig verulegar fórnir. Það framlag má ekki gleymast.
Samningsvilji og virðing fyrir starfsfólki
Kjarasamningar flugmanna og flugfreyja og -þjóna hafa verið lausir frá hausti 2025 og samningar flugvirkja frá árslokum 2025. Viðræður hafa gengið hægt og ágreiningur er enn óleystur. Þótt ágreiningsefnin séu ólík er áhyggjuefni að lítið virðist þokast í átt að niðurstöðu og skortur virðist vera á raunverulegum samningsvilja.
Flugvirkjar boðuðu til verkfalls í september. Að boða til verkfalls er alls ekki léttvæg ákvörðun. Þegar slíkt ferli er sett af stað þá er ekki ætlunin að skaða mótaðilann heldur reyna að fá hann að samningaborðinu til að klára samningagerð. Aðdragandinn er alltaf einhverjir 10 dagar, það þarf að kjósa og svo boða með 7 sólarhringa fyrirvara. Á þessum tíma heyrðist lítið sem ekkert frá fulltrúum Icelandair, ekki fyrr en rétt áður en verkfall hófst.
FVFÍ bauð tvívegis frestun verkfalls til að skapa svigrúm fyrir frekari viðræður. Báðum tilboðum var hafnað. Verkfall hófst 23. september, en sama dag lá fyrir að ríkisstjórnin hygðist leggja fram frumvarp um bann við því. Í kjölfarið var verkfallinu aflýst og aðilar sömdu um að verja fjórum vikum til markvissra viðræðna samkvæmt sérstakri verkáætlun. Þær viðræður leiddu hins vegar ekki til samnings. Icelandair hefur síðan greint frá því að verkfallið hafi kostað félagið um hálfan milljarð króna og forstjórinn nefndi það meðal þeirra þátta sem drógu úr afkomu þriðja ársfjórðungs. Það tjón hefði mátt forðast. Hefði félagið þegið annað hvort frestunartilboðið hefði gefist tími til samninga án þess að eitt einasta flug félli niður.
Staðan í viðræðum við flugvirkja er sú að það 4 vikna samtal sem hófst þegar verkfalli var aflýst lauk 21. október og skilaði ekki þeim árangri sem vonir stóðu til. Síðasti fundur var haldinn hjá ríkissáttasemjara 10. nóvember. Deilan er í hnút og ekki verður boðað til frekari funda hjá embættinu nema aðilar óski þess sérstaklega.
Staðan í viðræðum við flugmenn er einnig alvarleg. FÍA hefur lýst viðræðunum sem árangurslausum og greint frá því að félagið hafi lagt fram mismunandi leiðir til að ná samningi, en Icelandair hafnað þeim öllum. Flugmenn hafa samþykkt ótímabundnar vekfallsaðgerðir, frá og með 20. nóvember, sem afmarkast við leiguflug fyrir þriðja aðila.
Aðkoma Icelandair að kjaraviðræðunum við FÍA vekur einnig alvarlegar spurningar. Félagið hefur farið fram hjá samninganefnd FÍA og sent tillögur sínar beint til flugmanna, í stað þess að eiga samskipti við lögformlegan samningsaðila þeirra. Með þessu er vegið að hlutverki stéttarfélagsins sem fulltrúa félagsmanna sinna. Slík vinnubrögð eru ekki til þess fallin að skapa traust eða stuðla að árangursríkum samningaviðræðum.
Staða viðræðna við FFÍ er á öðrum stað en við FVFÍ og FÍA þar sem þeim hefur ekki enn verið lýst sem árangurlausum eða vísað til ríkissáttasemjara. Áherslur FFÍ lúta helst að bættu starfsumhverfi flugfreyja og – þjóna með tilliti til flug-, vakt- og hvíldartíma áhafna. FFÍ tekur heilshugar undir að þær aðferðir sem Icelandair hefur beitt gegn FÍA með því að ganga fram hjá lögformlegum samningaaðila þeirra og senda tillögur beint til flugmanna, séu ekki til þess fallnar að liðka til fyrir samningssátt.
Icelandair hefur í fjölmiðlum lýst kröfum flugstéttanna sem óraunhæfum og vísað til mikilla launahækkana á Íslandi. Það sem helst stendur út af snýst þó ekki fyrst og fremst um laun. Í viðræðum við flugvirkja er deilt um vaktafyrirkomulag. Í viðræðum við flugmenn hefur félagið lagt áherslu á heimild til að leigja inn erlendar áhafnir og aukinn sveigjanleika í hvíldarreglum. Þegar á reynir er Icelandair því ekki að verjast kostnaðarhækkunum, heldur að sækja sér hagræðingu á kostnað vinnuaðstæðna og starfsöryggis.
Hver er framtíðarsýn Icelandair fyrir störf á Íslandi?
Áhyggjur okkar snúast ekki aðeins um kjaraviðræður heldur einnig um stefnu félagsins til framtíðar. Icelandair hefur meðal annars stofnað dótturfélag í Litháen sem sinnir verkefnum tengdum skipulagi og eftirliti með viðhaldi flugvéla og keypt 49% hlut í Fly Play Europe, sem veitir aðgang að maltnesku flugrekstrarleyfi.
Í nýlegu viðtali lýsti forstjóri Icelandair Möltu sem vettvangi nýrra tækifæra fyrir félagið. Hann sagði jafnframt að til þess að þau tækifæri gætu orðið að veruleika þyrftu kjarasamningar að breytast. Forstjórinn hefur einnig hafnað því að verið sé að flytja störf úr landi. Svörin hafa þó ekki verið á einn veg. Í maí sagði félagið að kaupin myndu ekki leiða til fækkunar starfa, en í ágúst gat forstjórinn ekki fullyrt hvort íslenskar áhafnir myndu manna leiguflug á maltneska leyfinu. Það ætti eftir að koma í ljós.
Þessi ummæli kalla á skýrari upplýsingar um fyrirætlanir félagsins. Það þarf að liggja fyrir hvaða tækifæri Icelandair sér á Möltu, hvaða breytingar á kjarasamningum eru forsenda þeirra og hvernig tryggja eigi að uppbyggingin verði viðbót við íslenska starfsemi en ekki á kostnað hennar.
Það er eðlilegt að Icelandair leiti leiða til að efla samkeppnishæfni sína og nýta ný tækifæri. Slík uppbygging verður hins vegar að byggja á skýrum forsendum og gagnsæi gagnvart starfsfólki og eigendum. Við höfum jafnframt áhyggjur af því að starfsemi erlendis verði nýtt til að komast hjá skyldum atvinnurekenda samkvæmt íslenskum vinnurétti. Þær áhyggjur eru ekki okkar einna. Evrópusamtök flugmanna (ECA) og Evrópusamtök starfsfólks í samgöngum (ETF) hafa ítrekað varað við ótryggum ráðningarkjörum og veiku eftirliti í flugrekstri tengdum Möltu. Tryggja þarf að réttindi starfsfólks og ákvæði kjarasamninga séu virt og að rekstrarform verði ekki leið til að veikja samningsstöðu íslenskra stéttarfélaga.
Þetta snýst um meira en einstök störf. Á Íslandi hefur byggst upp mikilvæg sérþekking á sviði flugrekstrar, viðhalds og þjónustu. Ef störf og verkefni flytjast úr landi er hætta á að sú þekking veikist hér, með áhrifum á innlenda verðmætasköpun, skatttekjur og iðgjöld til íslenskra lífeyrissjóða.
Sem eyþjóð erum við háð áreiðanlegum flugsamgöngum við umheiminn. Það er mikilvægt fyrir viðnámsþrótt Íslands að hér sé áfram til staðar sú þekking og geta sem þarf til að sinna flugrekstri, viðhaldi flugvéla og þjónustu við farþega. Framtíð íslenskrar flugstarfsemi er því mikilvægt samfélagslegt hagsmunamál, ekki eingöngu rekstrarákvörðun eins fyrirtækis.
Ábyrgð eigenda
Lífeyrissjóðirnir, sem eigendur Icelandair, geta ekki litið fram hjá þessari þróun. Þótt það sé ekki hlutverk þeirra að semja um kaup og kjör starfsfólks bera þeir ábyrgð á að kalla eftir skýrri framtíðarsýn, vönduðum stjórnarháttum og upplýsingum um langtímahagsmuni félagsins.
Hafa lífeyrissjóðirnir sem eigendur Icelandair óskað eftir upplýsingum um hvort fyrirhuguð uppbygging starfsemi erlendis sé liður í langtímastefnu um að færa störf og þjónustu úr landi? Ef svo er, hafa þeir metið áhrif þeirrar stefnu á íslenskt atvinnulíf og hagsmuni sjóðfélaga? Ef ekki, hvernig á að tryggja að uppbyggingin á Möltu og í Litháen verði viðbót við starfsemina á Íslandi fremur en staðgengill hennar?
Við beinum því þremur skýrum áskorunum til lífeyrissjóðanna:
- Kallið eftir skýrri framtíðarsýn. Krefjist upplýsinga um langtímastefnu Icelandair varðandi störf og starfsemi á Íslandi, uppbyggingu erlendis og áhrif hennar á íslenskt atvinnulíf.
- Standið vörð um réttindi starfsfólks. Kallið eftir skýrum svörum um hvernig félagið hyggst virða kjarasamninga, samningsrétt stéttarfélaga og réttindi starfsfólks í starfsemi sinni hér á landi og erlendis.
- Krefjist raunverulegs samningsvilja. Beitið ykkur fyrir því að Icelandair eigi málefnalegar og markvissar viðræður við stéttarfélög starfsfólks og sýni raunverulegan vilja til að ná samningum.
Starfsfólk Icelandair vill sjá félagið dafna og eiga þar framtíð. Til þess þarf félagið að byggja á þeirri sérþekkingu sem hér hefur orðið til, virða starfsfólk sitt og líta á stéttarfélögin sem lögmæta samstarfs- og samningsaðila.
Spurningin er ekki aðeins hvaða framtíð Icelandair ætlar að byggja sér, heldur hvaða framtíð eigendur þess vilja sjá fyrir íslenska flugstarfsemi.
Virðingarfyllst,
Óskar Einarsson , formaður Flugvirkjafélags Íslands (FVFÍ)
Jón Þór Þorvaldsson, formaður Félags íslenskra atvinnuflugmanna (FÍA)
Berglind Kristófersdóttir, formaður Flugfreyjufélags Íslands (FFÍ)
Verkfallsaðgerðir samþykktar
Atkvæðagreiðslu meðal félagsmanna Félags íslenskra atvinnuflugmanna (FÍA) um fyrirhugaðar verkfallsaðgerðir lauk kl. 18:00 þann 11. nóvember.
Alls greiddu 555 félagsmenn atkvæði af 621 á kjörskrá, eða 89,4% kjörsókn. Niðurstaðan var afgerandi:
- 520 félagsmenn samþykktu aðgerðir (93,69%).
- 25 höfnuðu aðgerðum (4,5%).
- 10 skiluðu auðu (1,8%).
Boðaðar aðgerðir fela í sér ótímabundið verkfall og hefjast kl. 00:01 UTC föstudaginn þann 20. nóvember 2026. Verkfallsaðgerðirnar beinast eingöngu að leiguflugi Icelandair/Loftleiða fyrir þriðja aðila og taka ekki til áætlunarflugs Icelandair.
Með þessari afmörkun leggur FÍA áherslu á að hlífa farþegum í áætlunarflugi Icelandair við röskun, gæta almannahagsmuna og lágmarka áhrif aðgerðanna á íslenskt efnahagslíf.
Atkvæðagreiðslan er skýr vísbending um þann stuðning sem félagsmenn FÍA veita kröfum félagsins í yfirstandandi kjaradeilu við Icelandair. Félagið leggur áfram áherslu á að leitað verði samningslausnar við samningaborðið.
Kjarasamningur við Norlandair samþykktur
Kosningu um nýjan kjarasamning FIA við Norlandair ehf. lauk í dag 10. nóvember.
36 félagsmenn greiddu atkvæði af 36 sem voru á kjörskrá. 33 samþykktu samninginn og 3 sem höfnuðu honum og telst hann því samþykktur. Samningurinn gildir til 30. september 2028.
91,67% samþykktu með já.
8,33% höfnuðu með nei.
0% skiluðu auðu.
Við óskum flugmönnum Norlandair til hamingju með nýja kjarasamninginn.
Fréttatilkynning FÍA
Á fundi flugmanna Icelandair í dag, miðvikudaginn 4. nóvember, samþykktu félagsmenn FÍA að efna til atkvæðagreiðslu um verkfallsaðgerðir sem takmarkast við leiguflug Icelandair/Loftleiða fyrir þriðja aðila. Fyrirhugaðar aðgerðir ná ekki til áætlunarflugs Icelandair og beinast fyrst og fremst að fyrirætlunum Icelandair á Möltu. Kjaraviðræður FÍA og Samtaka atvinnulífsins, sem fara með samningsumboð Icelandair, hafa staðið yfir hjá ríkissáttasemjara frá því í vor og hefur verið lýst árangurslausum. Kjarasamningar hafa verið lausir frá því haustið 2025.
Icelandair ætlar að flytja störf úr landi
Kjaradeila flugmanna og Icelandair snýst ekki lengur aðeins um kaup og kjör, heldur um að halda störfum á Íslandi. Með kaupum á 49% hlut í Fly Play Europe hefur Icelandair tryggt sér aðgang að maltnesku flugrekstrarleyfi og ætlar að úthýsa störfum þangað. Samkvæmt tilkynningu Icelandair til Kauphallar verða vélar leiðakerfisins reknar á Íslandi en „aðrar vélar“ á Möltu.
Við kaupin á maltneska félaginu sagði forstjóri Icelandair tilganginn vera að verja störf í íslenskum fluggeira. Tveimur mánuðum síðar lýsir hann því yfir að kjarasamningsbundinn forgangsréttur flugmanna FÍA nái ekki til starfa á Möltu og hafnar þar með tilkalli flugmanna Icelandair til þessara starfa.
Icelandair ætlar þannig að ganga fram hjá íslenskum kjarasamningum og færa verkefni fyrirtækisins til flugmanna á lakari kjörum. FÍA fordæmir þessar fyrirætlanir fyrirtækisins um félagslegt undirboð og sniðgöngu kjarasamninga. Forgangsréttur flugmanna Icelandair í kjarasamningi er alveg skýr varðandi forgang þeirra í þau störf sem Icelandair hyggst manna með leiguáhöfnum eða gerviverktökum í gegnum Fly Play Europe.
FÍA hefur lagt fram þrjár tillögur
FÍA hefur um langt skeið átt í kjaraviðræðum við samninganefnd Icelandair og Samtök atvinnulífsins. Krafa FÍA er nú sú að flugmenn njóti sömu kjarabóta og samið var um á almennum vinnumarkaði í nafni þjóðarsáttar. Þær kjarabætur hafa þegar boðist öðrum starfshópum hjá Icelandair. FÍA er reiðubúið að ganga frá samningi á þeim grunni strax í dag. Icelandair hefur hafnað þeirri leið.
Flugmenn gera sér fyllilega grein fyrir því hve þungt eldsneytisverð, gengi krónunnar og ETS-gjöld vega í rekstri Icelandair. Til að brúa þetta erfiða tímabil bauðst FÍA til að gera fleytisamning, það er samning til skamms tíma með hóflegum kjarabótum. Icelandair hafnaði því tilboði.
Loks lýsti FÍA sig reiðubúið að fallast á launafrystingu ef Icelandair teldi sér hvoruga leiðina færa. Forsenda þess var að allir starfsmenn Icelandair bæru sinn hluta byrðanna, stjórnendur meðtaldir. Icelandair hafnaði þeirri leið einnig.
Þegar framtíð Icelandair var í húfi árið 2020 samþykktu flugmenn samningsbreytingar sem juku framleiðni um 22% og áttu að lækka einingakostnað um 25%, samkvæmt fjárfestagögnum Icelandair. Nú hefur Icelandair birt mesta rekstrarhagnað á einum ársfjórðungi frá 2017. Flugmenn eru áfram reiðubúnir að leggja sitt af mörkum, sé byrðunum skipt hlutfallslega með sanngjörnum hætti og störfum þeirra ekki fórnað.
FÍA skorar á stjórnendur Icelandair
Tillagan sem borin verður undir atkvæði flugmanna tekur aðeins til leiguflugs Icelandair/Loftleiða fyrir þriðja aðila. Með þeirri afmörkun vill FÍA hlífa farþegum í leiðakerfi Icelandair við röskun, gæta almannahagsmuna og draga úr áhrifum hugsanlegra aðgerða á íslenskt efnahagslíf.
Stjórnvöld voru fljót að grípa inn í kjaradeilu flugvirkja og boða lagasetningu með vísan til almannahagsmuna. Almannahagsmunir hljóta einnig að felast í því að verja íslensk störf og standa vörð um kjarasamninga.
FÍA skorar á stjórnendur Icelandair að falla frá áformum um flutning starfa úr landi, virða kjarasamningsbundinn forgangsrétt flugmanna og ganga til samninga á sama grunni og öðrum starfshópum hefur þegar boðist.
Stjórn og samninganefnd FÍA
Afmælisfögnuður FÍA
Fimmtudaginn 26. nóvember næstkomandi fagnar FÍA 80 ára afmæli sínu með glæsilegri afmælishátíð í Gamla Bíói.
Fögnuðurinn hefst kl. 19:00 og verða veitingar og drykkir í boði fram eftir kvöldi.
Þetta eru sannarlega merk tímamót og okkur langar að fagna þeim með félagsmönnum og rifja upp þá sögu, samstöðu og samheldni sem hefur mótað félagið í átta áratugi.
Saga Garðarsdóttir verður veislustjóri kvöldsins, en nánari dagskrá og upplýsingar um veisluna verða kynntar síðar.
Við hlökkum til að sjá ykkur í Gamla Bíói og eiga saman eftirminnilegt afmæliskvöld!
Linkur á skráningu hér: Skráning í 80 ára afmælisfögnuð FÍA
Munið að haka við ef maki kemur með í veisluna eins getið þið skráð ef það eru einhver fæðuofnæmi eða óþol.
Stuðningsyfirlýsing
Félag íslenskra atvinnuflugmanna (FÍA) lýsir yfir fullum stuðningi við Flugvirkjafélag Íslands í baráttu þeirra vegna endurnýjunar kjarasamnings félagsins við Icelandair.
Verkföll eru ávallt neyðaraðgerð þegar samningsumleitanir hafa ekki skilað árangri.
FÍA skorar á samningsaðila að leita allra leiða til að finna samningsgrundvöll svo afstýra megi verkfalli.
Röksemdir stjórnenda Icelandair fyrir Möltuleyfinu standast ekki skoðun
Fréttatilkynning
Frá: Félag íslenskra atvinnuflugmanna (FÍA)
Dags: 21. ágúst 2026
Efni: Kaup Icelandair Group hf. á 49% hlut í Fly Play Europe Holdco ehf.
Félag íslenskra atvinnuflugmanna (FÍA) lítur kaup Icelandair Group hf. á 49% hlut í Fly Play Europe Holdco ehf. alvarlegum augum. Samningur um kaupin var gerður 20. ágúst, með fyrirvara um samþykki maltneskra flugmálayfirvalda á sama tíma og kjaradeila Icelandair og FÍA er til meðferðar hjá ríkissáttasemjara og unnið er eftir sameiginlega undirritaðri verkstýrðri verkáætlun og friðarskylda er í gildi.
FÍA gerir ekki athugasemd við að Icelandair leiti hagræðingar í rekstri en telur að skýringar stjórnenda á þessum kaupum séu misvísandi og standist ekki skoðun.
Í maí „engin fækkun“ í ágúst „á eftir að koma í ljós“
FÍA getur ekki byggt kjaraviðræður á forsendum sem breytt er einhliða á fjögurra mánaða fresti. Þau störf sem hér eru í hættu eru störf sem unnin hafa verið á forsendum gildandi kjarasamninga. FÍA mun ekki geta fallist á að lögum og reglum íslensks vinnumarkaðar sé ekki fylgt.
Þegar viljayfirlýsing um kaupin var tilkynnt 1. apríl fylgdu henni engar upplýsingar um áhrif á starfsfólk á Íslandi. Í maí sagði forstjóri félagsins í fjölmiðlum að ekki stæði til að fækka starfsfólki hér á landi færu kaupin í gegn.
Þegar kaupin voru svo frágengin 20. ágúst og forstjórinn var spurður hvort íslenskar áhafnir myndu manna þau leiguflug sem færast á maltneska leyfið var svarið: „Það á eftir að koma í ljós.“ Fortakslaus yfirlýsing í maí er þannig orðin óvissa í ágúst án þess að viðsemjendur, starfsfólk eða markaður hafi verið upplýst um hvað breyttist.
83 milljónir fyrir leyfi, ekki fyrir flugrekstur
Kaupverð 49% hlutarins var 686 þúsund bandaríkjadalir, um 83 milljónir króna, og Icelandair hefur jafnframt tryggt sér heimild til að auka hlut sinn síðar. Fly Play Europe á hvorki né rekur eigin flugvélar. Engin flugvél er skráð á leyfið. Það sem verið er að kaupa er flugrekstrarleyfið sjálft.
Icelandair segir sjálft að viðskiptin hafi óveruleg áhrif á afkomu og efnahag félagsins á árinu 2026. Kjarni málsins er því ekki verðmæti eignarinnar, heldur hver ætlunin er að gera við leyfið og hvers vegna það er þess virði að setja yfirstandandi kjaraviðræður í uppnám.
Röksemdin um „aðgang að nýjum mörkuðum“ stenst ekki
Stjórnendur hafa sagt að kaupin auki sveigjanleika, gefi kost á einfaldari og skilvirkari rekstri og opni leiguflugsmöguleika vegna víðtækari loftferða- og tvísköttunarsamninga.
Samkvæmt greiningu sem birt hefur verið á vef Flugvirkjafélags Íslands er Ísland aðili að loftferðasamningum við 93 lönd en Malta við 88. Tvísköttunarsamningar Íslands eru sömuleiðis ekki færri en Möltu. Malta veitir því ekki aðgang að fleiri mörkuðum en Ísland.
Samstæðan á Íslandi hefur sinnt leiguflugsverkefnum í öllum sjö heimsálfum með frábærum árangri á íslensku flugrekstrarleyfi. Hryggjarstykkið í þeim árangri hefur verið starfsfólk félagsins, ekki síst flugáhafnir. Hvar kreppir skórinn?
„Sveigjanleiki“ í formi félagslegs undirboðs
Icelandair hefur í yfirstandandi viðræðum lagt þunga áherslu á heimild til að leigja inn erlendar flugvélar ásamt áhöfnum (blautleigu) og aukinn sveigjanleika í reglum um hvíldartíma og lengd fluga. Á sama tíma hefur félagið tryggt sér flugrekstrarleyfi utan íslensks vinnumarkaðsumhverfis. Í því samhengi er nærtækasta merking orðsins „sveigjanleiki“ sú að komast undan íslenskum kjarasamningum og eftirliti yfirvalda.
FÍA telur að rekstrarformið byggi á félagslegu undirboði, sniðgöngu kjarasamninga og flutningi starfa úr landi. Ef sú niðurstaða er röng er einfalt fyrir stjórnendur að leggja fram þær forsendur og útreikninga sem sýna annað. Slík gögn hafa ekki verið lögð fram hvorki fyrir viðsemjendur, starfsfólk né hluthafa.
Reynslan af erlendum verkefnum samstæðunnar
Í fyrrnefndri greiningu á vef Flugvirkjafélags Íslands er rakið að fjárfestingar samstæðunnar í erlendum flugrekstri hafi kostað verulegar fjárhæðir í gegnum tíðina; SmartLynx í Lettlandi, Travel Service í Tékklandi og Cabo Verde Airlines hafa samanlagt kostað félagið milljarða króna.
Áður en enn einu erlendu flugrekstrarleyfi er bætt við, og störf flutt úr landi í kjölfarið, er lágmarkskrafa að stjórnendur geri grein fyrir því hvað þeir læra af þeirri reynslu og hvers vegna útkoman verði önnur núna. Þeim spurningum er ósvarað.
FÍA kallar eftir því
- að stjórnendur leggi fram skriflegar og tölulegar forsendur kaupanna: hvaða hagræðing er áformuð, hvernig hún er reiknuð og á hverju hún byggir.
- að þeir svari skýrt hvaða störf, flugvélar og verkefni eigi að færast á maltneska leyfið, hvenær og á hvaða kjörum.
- að þeir nefni þá markaði sem maltneskt flugrekstrarleyfi opnar en íslenskt gerir ekki.
- að stjórnendur virði friðarskylduna og hætti einhliða yfirlýsingum sem grafa undan yfirstandandi viðræðum.
- að stjórn Icelandair Group hf. gefi hluthöfum, starfsfólki og viðsemjendum skýra grein fyrir raunverulegum forsendum verkefnisins.
Brot gegn launþegum með samþykki yfirvalda
European Cockpit Association (ECA) hefur gefið út grein sem fjallar um sögu 11 flugmanna Bluebird Nordic. Flugmönnunum var sagt upp í lok árs 2020 og ráðnir gerviverktakar í þeirra stað og voru uppsagnirnar dæmdar ólögmætar af Félagsdómi. Þrátt fyrir að dómstólar hafi dæmt uppsagnirnar ólögmætar hafa brotin ekki haft neinar raunverulegar afleiðingar í för með sér og engum viðurlögum verið beitt.
FÍA telur að þessi þróun og aðgerðaleysi stjórnvalda, skapi hættulegt fordæmi þar sem fyrirtæki geti sagt upp öllu starfsfólki sem starfar samkvæmt kjarasamningum og ráðið gerviverktaka í þeirra stað án afleiðinga.
Greinina má lesa hér (sem og hér fyrir neðan): Impunity by the playbook. Bluebird's pilots won in court. The company went bankrupt. Nobody paid.

Impunity by the playbook
On 30 December 2020, eleven pilots received the same phone call. They were no longer needed at Bluebird Nordic.
"I thought it's just a misunderstanding. We'll fix it in the new year." -former Bluebird pilot
But Bluebird didn't fix it. What those pilots found out instead was that a group of self-employed pilots – which had one day appeared in the office to do the theoretical coursework that precedes simulator training – would be taking over their jobs. In fact, all of the dismissed pilots had actually been asked by Bluebird management to help train this new group of pilots to fly the very routes they were about to lose. “We trained these pilots from start to finish”, one pilot said.
"I did not know then that these were exactly the guys replacing us," another pilot said
Employees out, contractors in
Bluebird Nordic – an Icelandic cargo airline and subsidiary of Avia Solutions Group, which had acquired the company in March 2020 – dismissed all eleven unionised pilots in the middle of negotiations for a renewed collective labour agreement, and simultaneously hired eleven self-employed replacements at roughly half the pay.
The pilots worked under a Collective Labour Agreement with a priority clause – Bluebird could not hire new pilots while existing ones remained available. Dismissing all eleven at once was an attempt to sidestep that obligation entirely.
The pilots suspected it had been planned well in advance. Two weeks before the calls came, the Director of Flight Operations had personally driven to each pilot's home to deliver a Christmas gift basket. "Was this supposed to be some kind of I'm sorry present?" one said later. "I'm sorry about what's coming?"
The pilots lost their jobs, but they did not go quietly. In beginning of February they organized striking actions, physically blocking Keflavik airport to prevent replacement pilots from boarding Bluebirds aircrafts – a move the courts later confirmed was legal. "Our union did everything it was able to do," one pilot said. "From day one until now."
The pilots also received the support of the international pilot community. ECA wrote directly to Bluebird's CEO and CFO, alongside representatives from IFALPA & ITF. The letter described the dismissals as "a deliberate move to pre-empt the ongoing CLA negotiations" and linked them to Bluebird's acquisition by Avia Solutions Group, which it called "known for engaging in precarious atypical employment practices via broker agencies and self-employment set-ups across multiple national jurisdictions." It warned that moving ahead would make Bluebird "synonymous with social dumping, regulatory forum shopping and subsequent distortion of competition."
Bluebird did not change course.
Five years in court
In September 2021, the pilots’ union FÍA won a court case confirming the dismissals were illegal.
Compensation claims followed from March 2023 for the wage losses of these illegal dismissals. In July 2024, the District Court ruled that Bluebird should pay three months' layoff notice minus any income earned elsewhere. This fell well below expectations and disregarded the priority clause entirely. But the judgment put a very low price on illegal dismissal and union avoidance by Bluebird.
This is why pilots appealed the ruling. But before the appeal, Bluebird approached them and offered a money settlement – all or nothing, every pilot had to accept or none could. They declined collectively. "We didn't want them to know that we accepted what they did," one pilot said.
In June 2025, the National Appeal Court increased the compensation. The total reached ISK 56.4 million – around €400,000 – rising to ISK 85 million with interest. For the pilots who had fought through two courts over nearly five years, it was a meaningful vindication. But it didn’t last long.
THE RUG PULL
On 14 August 2025, barely two months after the appeals ruling, Bluebird Nordic was declared bankrupt. By then, the company had already ceased operations in Iceland and moved its activities abroad under the Avia Solutions name.
The timing – a ruling in June, a bankruptcy in August – did not surprise the pilots. "I always thought they were never going to pay us," one said. "Bankruptcy, or just leaving the country. One way or another."
Pilots who had just won their case now stand in a creditor queue, and the prospects of recovery are bleak. A few weeks ago, the District Court ruled that pilot claims do not carry priority status in the bankrupt estate – meaning other creditors are paid first. FÍA has filed claims on the pilots' behalf and is considering whether to appeal that ruling to the next level, Landsréttur.
"They might end up receiving nothing, or just a small share of what they were supposed to receive according to the Appeal Court," FÍA's legal team said.
"Zero expectations," one pilot said, when asked if they believed compensation would ever arrive. "I will not get any money."
A bad precedent
The legal outcome, even where it favoured the pilots, has set a troubling benchmark.
The Appeal Court ruling did not explicitly establish that Bluebird had deliberately set out to avoid collective agreements. What it did establish was that the priority clause was breached – that it makes no legal difference whether replacement pilots are hired as employees or as bogus self-employed contractors if they are performing work that union members are entitled to.
But the practical consequence, according to FÍA, points in a troubling direction. "This case made a really bad precedent for the rest of the industry and into the labour market as a whole," the union's legal team said. "That is: laying off unionised employees and replacing them with bogus self-employed contractors on roughly half the pay. Even though we won the compensation case, it also meant that despite all these illegal actions, Bluebird got away with it.”
In other words, the court confirmed that what Bluebird did was wrong. It also confirmed that the cost of such wrongdoing was roughly three months' notice – and even that could be avoided through bankruptcy.
"We won, and we won, and we won," one pilot said. "But it does not feel like a victory. There were no consequences for them whatsoever for breaking the law and the CLA."
The same people, a new stage
FÍA is watching what happens next with particular concern.
Because history may be repeating itself: The former CEO of Bluebird Nordic – the very executive who oversaw the illegal dismissals – subsequently became Business Development Manager at Play, another Icelandic airline. Interestingly, just before going bankrupt, Play attempted to relocate its operations to Malta – a well-known tax and oversight heaven for airlines keen to optimise their financial and operational performance. Now Icelandair is negotiating to acquire 49% of Play's bankrupt Air Operator's Certificate in Malta, while the former Bluebird CEO is understood to be an advisor to Icelandair on how to optimize its operations. Pure coincidence?
All this happens, while FÍA is in active collective bargaining negotiations with Icelandair. The union says the airline is pushing for significantly expanded flexibility around ACMI and wet lease operations in the new agreement, alongside requirements on working hours and wages. All this bears a striking resemblance to the CLA of Play – written before even hiring pilots.
Most significantly, Icelandair has not answered FÍA's questions about its intentions regarding the Malta AOC acquisition. The union fears the airline intends to operate flights from Malta – instead of Iceland – under lower standards and possibly using bogus self-employed pilots, well outside the scope of the Icelandic collective agreement.
"We are very mindful of our priority clause," FÍA's legal team said. "We do see some similarities. Mainly because we see the same people that were in control when things went down with Bluebird and again with Play."
The 11 dismissed pilots are worried too: "They've established the playbook and they're going to try it again."
Reykjavík Flight Safety Symposium
Takið daginn frá!
Hin árlega öryggisráðstefna, Reykjavík Flight Safety Symposium, verður haldin þann 8. október n.k. í Gullhömrum. Dagskrá verður kynnt síðar.
Til hvers þarf Icelandair flugrekstrarleyfi á Möltu?
Þetta helst, fréttaskýringaþáttur á RÚV, ræðir við August Håkansson um fyrirhuguð kaup Icelandair á flugrekstrarleyfi á Möltu. Það má hlusta á viðtal með því að smella á link hér að neðan. August, fyrrverandi flugstjóri, skrifar einnig grein sem má lesa í heild sinni hér að neðan.
Aðsend grein:
Þann 1.apríl 2026 tilkynnti Icelandair um viljayfirlýsingu (LOI) um að hefja viðræður um möguleg kaup á 49% hlut í félaginu Fly Play Europe, sem skráð er á Möltu og er með flugrekstrarleyfi þar.
Bogi Nils Bogason forstjóri Icelandair sást víða í fjölmiðlum þennan dag og daginn á eftir og allvíða sást haft eftir honum: „Flestöll flugfélög á okkar mörkuðum, sérstaklega í Evrópu, reka fleiri en eitt flugrekstrarleyfi sem gefur þeim aukinn sveigjanleika í sínum rekstri. Nái viðskiptin fram að ganga myndi það á sama hátt auka sveigjanleika og samkeppnishæfni Icelandair. Að hafa aðgang að flugrekstrarleyfi á Möltu og Íslandi getur opnað ný og spennandi viðskiptatækifæri og á sama tíma stuðlað að einföldun á starfsemi okkar hér á Íslandi, sem skapar talsverð hagræðingartækifæri.“
Í tilkynningu Icelandair segir einnig að „með kaupum á hlut í félaginu skapist aukin tækifæri fyrir leiguflug, meðal annars vegna víðtækari loftferða- og tvísköttunarsamninga sem maltneska félagið hefur aðgang að.“ (Tilkynning Icelandair til Kauphallarinnar 1.apríl 2026). Hér er rétt að benda á að Icelandair hefur nú þegar tvö flugrekstarleyfi á Íslandi, þ.e. Icelandair og Flugfélag Íslands.
Skoðum þetta nú aðeins. Einföldun á rekstri á Íslandi. Það er nú þegar stefnt að einföldun á rekstri á Íslandi, þegar tímabil flugvélaskipta gengur yfir. Þá verða væntanlega eftir Boeing B737-8/9 og Airbus A320/321 um tíma hvað sem síðar verður. Það eru takmörk fyrir því hversu hratt svona skipti geta gengið yfir, bæði hversu hratt félagið hefur efnahagslega burði til að taka við nýjum og dýrari flugvélum og eins hversu hratt er hægt að innleiða þær. Það getur orðið stór biti að kyngja að taka margar nýjar flugvélar á skömmum tíma, ef þær þá fást í umhverfi dagsins þar sem framleiðsla flugvéla er uppseld til margra ára og þarf að taka flugvélarnar frá leigusölum sem eftir atvikum eiga flugvélar á lausu. Umtalsverður kostnaður getur fylgt því að aðlaga farþegarými að stöðlum Icelandair. Hingað til hefur sagan verið sú að koma verði B757/767 vélunum sem fyrst í burtu vegna aldurs og hás rekstrarkostnaðar. En nú er allt í einu nefnt að hægt verði að nota þær í maltneskri útgerð. Það er raunar áhugaverð staðreynd að Delta og United flugfélögin reka í dag 101 B767-300 og 142 B757-2/300. Þessum flugvélum verður ekki skipt út fyrr en nýjar flugvélar fást í staðinn sem á eftir að taka nokkur ár.
Flugrekstrarleyfi á Möltu:
Þann 13.apríl voru 52 flugrekstarleyfi í gildi á Möltu. Þau voru um 70 þegar mest var. Tvö leyfi duttu út í síðustu viku, Maleth Aero var svipt flugrekstarleyfi vegna gjaldþrots og Fly2Sky Malta sem var afleggjari búlgarska félagsins sem Play flaug fyrir þegar það fór í þrot, virðist hafa skilað sínu leyfi. Af þessum 52 leyfum eru nærri helmingur „business jet“ útgerð, það er VIP leiguflug og „ aircraft management“ þar sem fyrirtæki á Möltu taka að sér útgerð einkaþotna fyrir eigendur þeirra. ACMI flugfélög (þ.m.t. Air Atlanta Europe),en það eru félög með ýmis tilbrigði við blautleigu, eru þrettán. Færri en tíu eru ýmis konar, þyrluflug, verkflug, Air Taxi o.þ.h.
Síðan 6 eru flugfélög í áætlunarflugi. Air Malta (sem er bara Ryanair) gerir út 178 B737, Wizzair Malta gerir út rúmlega 100 Airbus vélar og eina aðild „legacy“ flugfélags að flugrekstarleyfi á Möltu er Eurowings Europe í eigu Lufthansa Group sem gerir út 20-30 Airbus 319/320 vélar. Eurowings Europe flutti flugrekstarleyfi sitt frá Austurríki 2022 að sögn til að lækka kostnað, og skattgreiðslur starfsmanna (er þá hægt að borga þeim minna?).
Flugrekstrarleyfi Fly Play Europe (MT-85) er í raun í dvala, þar sem engin flugvél er skráð á leyfið eins og er, að því er best verður séð. Í ljósi sögunnar má gera ráð fyrir að leigusalar hafi takmarkaðan áhuga á að leigja því vélar, nema traustur bakhjarl fáist.
Loftferðasamningar Möltu:
Kíkjum nú á loftferðasamninga Möltu. Skv. vefsíðu Transport Malta eru í gildi samningar við 88 lönd. Gott og vel. En skv. vefsíðu Stjórnarráðs Íslands eru í gildi samningar við 93 lönd. Erfitt er að sjá hvar skóinn kreppir í þessu. Ísland er aðili að ECAA (European Common Aviation Area) ásamt ESB löndunum, Noregi og nokkrum Balkanlöndum. Íslenskir flugrekstaraðilar standa þarmeð jafnfætis flugfélögum í ESB.
Tvísköttunarsamningar:
Hér ætlar undirritaður sér ekki annað en að setja fram tölur eins og þær koma fram á vefsíðum stjórnvalda á Möltu og Íslandi, enda einstaklega lítill áhugamaður um skatta og alls ekki fær um að bera saman þessa samninga. En skv. vefsíðu Tax & Customs Administration Malta eru í gildi 77 „Double Taxation Agreements“.
Á vefsíðu Skattsins eru taldir upp 46 tvísköttunarsamningar og 36 upplýsingskiptasamningar með „sambærilegum ákvæðum“ eins og þar segir. Semsagt 82 samningar.
Hluti ástæðu þess en varla sú eina, að Air Atlanta fór og sótti sér flugrekstrarleyfi á Möltu mun hafa verið vöntun á tvísköttunarsamningi við Saudi-Arabíu (KSA) sem hefur lengi verið „líflína“ þess félags. Samsköttunarsamningur við KSA var einhver ár í vinnslu og tók gildi 1.desember 2025 eins og var „gert almenningi kunnugt“ með auglýsingu í Stjórnartíðindum 13.feb.2026.
Áhugavert er að skv. vefsíðunni planespotters.net eru 9 flugvélar á flugrekstrarleyfi Air Atlanta Icelandic, þar af 3 „parked“. En 11 flugvélar (B747 og B777) á flugrekstrarleyfi Air Atlanta Europe, þar af 8 sagðar leigðar til Saudia flugfélagsins.
Leiguflug um heiminn:
Frá endurstofnun Loftleiða 2003 sem leiguflugsarms Icelandair hefur félagið stundað leiguflug með einum eða öðrum hætti í öllum 7 heimsálfunum aðallega í svokölluðum ACMI verkefnum. Verkefnin verið eins misjöfn og þau voru mörg. Um tíma (ca. 2005-2007) voru umsvifin meiri í verkefnum erlendis en í áætlunarfluginu á Íslandi. Og allt gekk það mestmegnis með íslenskum áhöfnum (a.m.k. flugmönnum) og þrátt fyrir loftferðasamninga og tvísköttunar-samninga. Þau voru þó nokkur árin frá 2003 sem undirritaður flaug lungann úr árinu erlendis. Það dró verulega úr ACMI verkefnum eftir hrunið 2008 og áherslur breyttust. En þar spilaði líka inní að flugfloti Icelandair/Loftleiða (757/767) hentaði ekki jafnvel í verkefnin og áður. B757 var orðin of stór og dýr í verkefni sem t.d. B737-800 gat leyst. Þáverandi eintök af B767 voru ekki boðleg á sumum mörkuðum, þó þær gengju áfram t.d. í Venezúela. Ein af þeim flugvélum er þó í notkun enn í dag í AM leigu í Papúa Nýju-Gíneu.
Sveigjanleiki og starfsmenn á Möltu
Boga er tíðrætt um sveigjanleika. Erfitt er þó að sjá nákvæmlega hvaða sveigjanleika hann á við. Sveigjanleika í starfsmannahaldi? Sveigjanleika í tilfærslum fólks á milli flugrekstrarleyfa? Það er háð ákveðnum ferlum sem eru skilgreindir af EASA og gilda bæði um Ísland og Möltu.
Það er ekki mikið af flugmönnum erlendis á lausu með B757 tegundarréttindi. Félagið myndi þurfa að framkvæma slíka þjálfun og kosta, jafnvel til skamms tíma.
Stéttarfélög virðast vera veik á Möltu. Líklega er það stóra freistingin. Jafnvel þó að Play á Íslandi hafi sýnt fram á að það er hægt að fara illa með starfsfólk í íslensku lagaumhverfi. „D“ flugfreyju „samningur“ Icelandair við FFÍ er líka um margt sérstakur.
Hver er hagur Icelandair af flugrekstarleyfi á Möltu?
Ekki er augljóst hver hagur Icelandair/Loftleiða af flugrekstarleyfi á Möltu er annar en að einhverju leyti af tilflutningi fjármuna, hugsanlega lægri gjöldum og ódýrari starfsmönnum. B757/767 verða ekki ódýrari í viðhaldi í rekstri þar, hugsanlega þveröfugt því reynsla af viðhaldi þessara flugvélategunda og búnaður til þess (sérstaklega B757) er líklega fjarri Möltu. Það blasir við að ef hugmyndin er að gera út leiguflug og verkefni Loftleiða frá Möltu þá er það með allt öðrum forsendum en nú er gert. En með minnihluta hlutafjár verður hluti Icelandair líka alltaf minnihluti arðsins, enda hugsaði skiptastjóri Play sér gott til glóðarinnar að fá Icelandair inní dæmið. Sem er verðlaust annars.
Fyrri ævintýri í útlöndum...
Ekki þarf annað en að minnast fyrri fjárfestinga Icelandair/Loftleiða erlendis, Smartlynx (LatCharter) í Lettlandi (4,2 milljarða tap 2009), Travel-Service í Tékklandi (900 m.kr.tap) og Grænhöfðaeyjaævintýrið Cabo Verde Airlines (700-1.000 m.kr.tap). Hér má minnast orða Sigurðar Helgasonar þáverandi stjórnarformanns í ársskýrslu fyrir árið 2009: „Tap ársins stafaði ekki af lélegri rekstri kjarnastarfsemi samstæðunnar, heldur af miklum skuldum og misráðnum fjárfestingum fyrri ára.“ Og „Fjárfestingar samstæðunnar í erlendum fyrirtækjum hafa ekki borið neinn árangur og engin ástæða er til að leyna því.“
August Håkansson
Höfundur er hluthafi í Icelandair, MSc. í Air Transport Management og fyrrv. flugstjóri.
Fréttatilkynning frá ECA
European Cockpit Association (ECA) lýsir yfir alvarlegum áhyggjum af vaxandi átökum milli stjórnenda og flugmanna hjá Lufthansa og Aer Lingus.
Samningar sem gera flugmönnum kleift að leggja sitt af mörkum til öryggisstarfs í flugi fyrir hönd stéttarfélags síns hafa verið felldir úr gildi eða eru ekki virtir eins og er.
Þegar dregið er úr þátttöku flugmanna í öryggisvinnu er hætta á að traust rofni – með mögulegum áhrifum á flugöryggi til lengri tíma.
Flugöryggi má aldrei verða fórnarlamb deilna á vinnumarkaði.
Sjá fréttatilkynningu ECA í heild sinni hér að neðan.
Stop action to silence the voice of pilots
Brussels, 20 April 2026
The European Cockpit Association, representing 43,000 European pilots, is deeply concerned about the escalation of conflict between pilots and management in both Lufthansa and in Aer Lingus.
We are deeply worried about the fact that in both companies, agreements that enable pilots to contribute to flight safety work on behalf of their pilot union have been cancelled or are currently not respected.
Pilot experts, on behalf of their union and through ECA have been contributing their expertise and have helped shape many advances in aviation safety through their work at EASA, the EU and International institutions for decades.
“Trying to silence the voice of pilots won’t work,” said Paul Reuter, Vice-President of ECA. “This will not only create a painful breach of trust between the pilots and their airline that will have long-lasting negative consequences but it will also have a lasting potential negative impact on flight safety.”
While European pilots understand that contract negotiations can be difficult and disagreement may exist, we believe that preventing pilot union representatives to engage in safety relevant work is not acceptable.
Paul Reuter states that “The European pilots stand for their colleagues and ask Lufthansa and Aer Lingus to stop impeding the pilot representative’s work and invite them to resume a constructive and respectful dialogue swiftly. Flight Safety work must never fall prey to industrial grievances.
* * *
For further information, please contact:
Capt. Paul Reuter, ECA Vice-President
Ignacio Plaza, ECA Secretary General
Tel: +32 2 705 32 93
Aðalfundur FÍA 2026
Aðalfundur Félags íslenskra atvinnuflugmanna verður haldinn fimmtudaginn 26. mars 2026, kl. 20:00 í Hlíðasmára 8, Sal Læknafélags Íslands, 201 Kópavogi.
Hefðbundin aðalfundadagskrá fer fram:
DAGSKRÁ
- Kynning frambjóðenda.
- Stjórn félagsins gefur skýrslu um starfsemi félagsins.
- Lagðir fram endurskoðaðir reikningar félagsins.
- Lagabreytingar. (*)
- Stjórnarkjör.
- Kosið í störf þau sem aðalfundi hefur verið falið.
- Kosnir skulu tveir skoðunarmenn reikninga.
- Kosning í Starfsráð á þriggja ára fresti.
- Önnur mál.
Sæti formanns og fjögurra meðstjórnenda eru laus. Sjálfkjörið er í embætti formanns en kjósa þarf í embætti meðstjórnenda.
Eftirfarandi félagsmenn gefa kost á sér embættis formanns og meðstjórnenda. Hægt er að kynna sér frambjóðendur nánar með að smella á hvern og einn hér að neðan.
Formaður:
Jón Þór Þorvaldsson - ICE
Meðstjórnendur:
Alexander Olsen - ICE
Eðvar Ólafur Traustason - ICE
Guðmundur Óskar Bjarnason - ICE
Jónas Þór Guðmundsson - ICE
Vala Gauksdóttir - FÍ
Örnólfur Jónsson - ICE
16.grein laga FÍA segir: "Aðeins 5 félagsmenn frá hverjum samningsaðila FÍA geta tekið sæti í stjórn hverju sinni. Fái fleiri en 5 félagsmenn frá sama samningsaðila FÍA kosningu á aðalfundi skulu einungis þeir 5 er flest atkvæði hljóta taka sæti í stjórn. Þeir frambjóðendur er flest atkvæði hljóta frá öðrum samningsaðilum taka þá sæti í stjórn.
Kjörstjórn tekur ákvörðun um hvaða frambjóðendur teljast sjálfkjörnir í samræmi við ofangreint."
Þar sem formaður og einn meðstjórnandi teljast sjálfkjörnir í samræmi við 16. grein laga FÍA eru þrjú laus sæti í stjórn félagsins. Kosning um þau sæti hefst 19. mars kl. 21:00 og stendur kosning yfir í sjö sólarhringa. Fimm Icelandair flugmenn eru í framboði um þrjú laus sæti. Kosning verður rafræn og fáið þið hlekk til að kjósa þann 19. mars. Athugið að frambjóðendum gefst kostur á að kynna sig á Aðalfundi en svo lokar kosningu kl. 21:00 það kvöld. Hafa ber í huga að aðeins er hægt að kjósa einu sinni og ekki hægt að breyta atkvæði þegar búið er að kjósa.
Léttar veitingar verða í boði eftir fundinn. Vonumst til að sjá sem flesta félagsmenn.