Styrkir og heilsuvernd

Sjúkrasjóður

Blettaskoðun

Rannsóknir hafa leitt í ljós að tíðni húðkrabbameina er hærri hjá flugmönnum en almennt þekkist, á þetta sérstaklega við um sortuæxli. Húðlæknastöðin er með sérstaka tíma fyrir flugmenn og eru þeir auglýstir hverju sinni. Þeir sem fara í slíka tíma munu vera þátttakendur í hóprannsókn um tíðni húðkrabbameina hjá flugmönnum.

Lagt er til að félagar fari í blettaskoðun árlega.

Hér má sjá grein frá Húðlæknastöðinni sem er sérstaklega ætluð flugmönnum.

Blettaskoðun er einnig í boði fyrir félagsmenn EFÍA vegna rannsóknarhagsmuna Sjúkrasjóðsfélaga.

Blóðsýni

Blóðsýni eru tekin í Rannsóknastofu Læknasetursins í Þönglabakka sem er opinn mán-fös 08:30-17:00. Flugmenn og konur gefa sig fram í afgreiðslunni og segja þeir sé að koma í blóðrannsókn á vegum FÍA. Flugmenn greiða ekkert fyrir fyrstu rannsókn en þurfi að fylgja niðurstöðum eftir með frekari rannsóknum, þá greiða þeir sjúklingagjald viðbótarrannsókna úr eigin vasa.

Lagt er til að félagar fari í blóðrannsókn á 2-3 ára fresti.

MIKILVÆGT ER AÐ REYNA AÐ KOMA FASTANDI Í BLÓÐTÖKU (ca 6 klst)

Eftirfarandi rannsóknir eru gerðar:

  • Blóðhagur (Blóðrauði osfrv)
  • Blóðfitur
  • Blóðsykur
  • Lifrapróf (ASAT, ALAT)
  • Nýrnapróf (kretintin)
  • PSA (blöðruhálskirtilskrabbamein) hjá körlum eldri en 50 ára.

Niðurstöður eru sendar í pósti til viðkomandi eins skjótt og unnt er, ásamt ráðleggingum um framhaldið ef með þarf. Einnig er unnt að nálgast niðurstöður með því að hafa samband við Sigurð Árnason lækni gegnum netfangið sigurdurarna@hss.is og í bráðatilfellum í síma 860-0192

Blóðsýni er einnig í boði fyrir félagsmenn EFÍA vegna rannsóknarhagsmuna Sjúkrasjóðsfélaga.

Dánarbætur

Sjúkrasjóður greiðir styrki vegna útfara sjóðsfélaga, maka og barna og jafnframt dánarbætur vegna elli- og örorkulífeyrisþega í Eftirlaunasjóði FÍA.

Eftirlaunaþegar

Félagsmenn í EFÍA hafa heimild til að mæta í blettaskoðanir og blóðrannsókn á kostnað Sjúkrasjóðs FÍA.

Gleraugu og linsur

Sjúkrasjóður FÍA styrkir félagsmenn er þurfa að kaupa gleraugu eða linsur. Krafa er um að viðkomandi sé með takmörkun í heilbrigðisvottorði þar sem gleraugna er krafist. Þeim sem nota linsur er bent á að halda saman nótum og koma með eina umsókna fyrir hvert 24 mánaða timabil.

  • Styrkurinn er að hámarki 75.000.-
  • Hægt er að sækja um á 24 mánaða fresti

Afrit af reikning fyrir gleraugum og heilbrigðisvottorði skal fylgja umsókn.

Heyrnatappar með hljóðsíu

Sjúkrasjóðurinn greiðir að fullu fyrir hljóðsíur frá Phonak. Pantið tíma hjá Einari Jóni Einarssyni í síma 561-8500 milli kl. 8-17 eða á netfang heyrdu@heyrdu.is. Taka þarf mát af eyrunum og panta tappana, en afgreiðslutími er 12 vikur. Sjá nánar á heimasíðu Heyrðu - Scandinavian Hearing, www.heyrdu.is.

Heyrnatæki

Sjúkrasjóður FÍA styrkir frá 1. ágúst 2012 félagsmenn er þurfa að kaupa heyrnartæki. Styrkurinn er fyrir andvirði kostnaðar þó að hámarki kr. 150.000,- og er hægt að sækja um með a.m.k. 24 mánaða millibili.

Hjartarannsókn og álagspróf

Allir félagsmenn yfir fertugt eru hvattir til að fara í hjartarannsókn og álagspróf hjá Hjartavernd.

Til að bóka tíma skal einfaldlega hafa samband við Hjartavernd í síma 535-1800 og taka fram að þú sért félagsmaður í FÍA, þá er tíminn án endurgjalds.

Krabbameinsskoðun hjá Krabbameinsfélagi Íslands

Konur eru hvattar til þess að fara í krabbameinsleitina á tveggja ára fresti.

"Með skipulegri leit að krabbameini í leghálsi er reynt að gera sem mest gagn og valda sem minnstum skaða. Ef leitað er of sjaldan er hætta á að missa af alvarlegum frumubreytingum og krabbameini en ef leitað er of oft getur það leitt af sér ónausynlegt eftirlit, leghálsspeglanir eða keiluskurði." Leghálskrabbameinsleit

"Brjóstakrabbamein má greina áður en einkenni koma fram með röntgenmyndatöku af brjóstum og fleiri rannsóknum. Konur á aldrinum 40 til 69 ára fá boð um að mæta í hópleit að brjóstakrabbameini á tveggja ára fresti." Brjóstakrabbameinsleit

Unnt er að panta sér tíma í Leitarstöð Krabbameinsfélagsins, Skógarhlíð 8, Reykjavík í síma 540 1919 og greina þá jafnframt frá því að FIA greiði fyrir skoðunina. Einnig er unnt að panta tíma gegnum netsíðu Krabbameinsfélagsins www.krabb.is og trítla á reit ofantil til hægri “Panta tíma í leitarstöðina”. Lagt er til að flugkonur fari í skoðun á tveggja ára fresti.

Laseragðerð á augum

Sjúkrasjóður FÍA styrkir félagsmenn er þurfa að fara í Laseraðgerð á augum.
Greiddar eru kr. 150.000 kr. fyrir aðgerð á báðum augum.

Ristilspeglun

Mælt er með því að allir fari í ristilspeglun eftir fimmtugt.

Samið hefur verið við Jón Örvar Kristinsson, meltingarlækni, um að það hafa umsjón með verkinu. Unnt er að panta sér tíma hjá honum í gegnum netfangið jonorvar@simnet.is. Lagt er til að allir félagar fimmtugir og eldri fari óhræddir í þessa skoðun. Finnist ekkert sjúklegt og ef engin saga er um ristilkrabbamein í ætt þá þarf ekki að endurtaka skoðun fyrr en eftir 5-10 ár.

Sálfræðiþjónusta

Sjúkrasjóðurinn býður félagsmönnum, mökum og börnum að sækja sér aðstoð hjá eftirfarandi aðilum, 5 tímar í heild:

Líf og sál sálfræðistofa

  • Sími: 511-5508, netfang: lifogsal@lifogsal.is, heimasíða: lifogsal.is
  • Bóka þarf tíma hjá Líf og sál og greina frá því að FÍA greiðir reikninginn.
  • Ef óskað er eftir meðferð barna þá þarf að taka það fram við pöntun, en Líf og sál er með samning við Sól (Sálfræði og læknisþjónusta fyrir börn og ungmenni).

Rudólf Adolfsson geðhjúkrunarfræðingur

  • Sími: 821-1299
  • Sérhæfir sig í áfallahjálp
  • Reikningur sendur til FÍA

Aðrar sálfræðistofur

  • Félagsmenn geta nýtt sér hvaða sálfræðiþjónustu sem þeir kjósa en þurfa þeir þá að leggja út fyrir kostnaði og sækja svo um endurgreiðslu að frádregnum skatti.

Sjúkraþjálfun og fleira

Hægt er að sækja um styrk úr sjúkrasjóði FÍA vegna endurtekinna meðferðar stoðkerfisins hjá faglega viðurkenndum aðila og má þar nefna sjúkraþjálfara, iðjuþjálfa, sjúkranuddara, osteopata og kírópraktor.

  • Hámarksupphæð á ári eru 150.000.-
  • Staðgreiðsla skatta er dreginn frá styrktarupphæð
  • Eingöngu er greitt fyrir meðferðartíma

Trúnaðarlæknir

Trúnaðarlæknir FÍA, Hannes Petersen, er ekki með fasta viðverutíma í FÍA en félagsmönnum með erindi til hans er bent á að hafa samband við skrifstofu FÍA eða senda tölvupóst beint á hann á netfangið laeknir@fia.is.

Tæknifrjóvgun og ættleiðing

Sjúkrasjóður FÍA styrkir félagsmenn er þurfa að fara í tæknifrjóvgun, hvort sem um er að ræða félagsmann eða maka hans.

  • Styrkurinn er kr. 50.000,- og greiðist fyrir allt að þrjú skipti á almanaksári
  • Einnig er styrkur upp á kr. 150.000,- fyrir ættleiðingu

.