Fréttir

Ingvi Geir Ómarsson formaður

Davíð Þór Skúlason

Ida Björg Wessman

Þráinn Arnar Þráinsson

Tilboð í áætlunarflug innanlands með sérleyfi fyrir vegagerðina, voru opnuð hjá ríkiskaupum nýverið, eftir að nýtt útboð var auglýst fyrr á þessu ári. Um er að ræða annars vegar flugleiðir milli höfuðborgarinnar og Gjögurs, Bíldudals og Hafnar í Hornafirði, og hins vegar milli Akureyrar og Vopnafjarðar, Þórshafnar og Grímseyjar.  Lægstbjóðendur í þetta flug voru flugfélögin Norlandair með flugið út frá Akureyri og Ernir með flugið til og frá Reykjavík. Það er því allt útlit fyrir að þessi félög sinni fluginu áfram eins og verið hefur.  Bæði þessi félög eru með kjarasamning við FÍA fyrir sína flugmenn. Gert er ráð fyrir að nýr samningur um áætlunarflugið á grundvelli hins nýja útboðs taki gildi 1. apríl á næsta ári og verði til þriggja ára, með möguleika á framlengingu um tvö ár til viðbótar. Kostnaðaráætlun ríkisins vegna áætlunarflugs á alla staðina var uppá 900 milljónir króna miðað við 3 ára samning. Tilboð flugfélaganna tveggja voru aðeins yfir kostnaðaráætlun og námu samtals um ríflega einum milljarði króna miðað við 3 ár. 

Jón Þór Þorvaldsson formaður

Guðmundur St. Sigurðsson

Hafsteinn Pálsson

Hjalti Valþórsson

Högni B. Ómarsson

Ólafur Örn Jónsson

Nú hefur verið ráðist í endurbætur á FIA - mobile smáforritinu sem stór hluti félagsmanna hefur hlaðið niður í snjalltæki sín og nýtist stéttarfélaginu bæði til samskipta og úrvinnslu tilkynninga sem frá flugmönnum berast. Það er von stjórnar FÍA að með nýrri útgáfu  aukist útbreiðsla FIA - mobile enn frekar og upplýsingagjöf verði gagnkvæm og skilvirk. Forritið hefur ennfremur verið þýtt og aðlagað að þörfum stéttarfélaga erlendis og hlaut ein slík útgáfa verðlaun í nýlegri samkeppni sem BALPA, félag atvinnuflugmanna í Bretlandi, tók þátt í. 

Appið er nokkuð breytt og ber þar helst að nefna bæði nýja og eldri möguleika:

• Útlit og viðmót appsins er töluvert breytt. Ný tímalina við opnun appsins. Allt það nýjasta sem hefur verið sett í fréttir, fundargerðir, fréttabréf eða viðbrögð við skýrslum birtist á tímalínu á forsíðu.
• Hægt er að setja inn skýrslu með símann ÓTENGDAN. Búðu til skýrsluna og hún fer sjálfkrafa þegar síminn er tengdur við netið næst.
• Nú er hægt að svara viðbrögðum sem berast við innsendum skýrslum. Mynda þannig samtal við fulltrúa samstarfsnefndar sem afgreiðir þitt mál.
• Skýrsluhlutinn er nú fullkomnari og getur stéttarfélagið klæðskerasniðið reiti eftir þörfum.
• Félagsmenn geta nú skoðað lista yfir innsendar skýrslur sínar, og haldið þannig utan um sín mál.
• Stjórn, starfsfólk og nefndir eru nú á sama stað, undir tengiliðir.
• Fréttabréf eru með nýtt viðmót og fundargerðum er nú hægt að raða í tímaröð.
• Félagsmenn geta nú skoðað sinn heildar prófíl og breytt þar upplýsingum sem aðrir sjá.
• Nýjir stillingarmöguleikar appsins. Hvað á að birtast við ræsingu og fleira.

Einhverjir hafa lent í vandræðum með röðun í símaskrá, bæði stafrófsröðun og starfsaldursröð. Þegar þetta kemur upp er nauðsynlegt að smella á litla i efst í vinstra horni aðalvalmyndar og velja þar að aftengjast. Þá innskrá aftur og vandamálið ætti að vera leyst.

Félag íslenskra atvinnuflugmanna (FÍA) hefur verulegar áhyggjur af stöðu flugöryggismála á Reykjavíkurflugvelli í kjölfar niðurstöðu dóms Hæstaréttar í máli nr. 268/2016 um að íslenska ríkinu beri að loka braut 06/24 innan 16 vikna. Í áhættumati varðandi lokun brautarinnar frá 22. maí 2015 er ekki tekið tillit til áhrifa á flugvallakerfið í landinu í heild sinni, fjárhagslegra áhrifa á flugrekstur né það sem mestu skiptir þ.e. neyðarskipulags almannavarna og áhrifa á sjúkraflutninga.

Að mati FÍA er flugbraut 06/24 í Reykjavík nauðsynlegur hluti af vellinum til að tryggja nýtingarhlutfall í ljósi mikilvægis vallarins til sjúkra og neyðarflutninga.

Verði flugbraut 06/24 á Reykjavíkurflugvelli lokað er óviðunandi að ekki liggi fyrir ákvörðun um að opna á Keflavíkurflugvelli flugbraut með svipaða stefnu, sem staðið hefur lokuð í áraraðir. Mikilvægt er að flugbraut með stefnu suðvestur/norðaustur sé til staðar á suðvesturlandi.

Félag íslenskra atvinnuflugmanna (FÍA) harmar lagasetningu á yfirvinnubann flugumferðarstjóra sem samþykkt var á Alþingi með 32 atkvæðum gegn 13 þann 8. júní s.l.  Stjórnvöld hafa nú ítrekað sett lög á löglega boðaðar aðgerðir stéttarfélaga og þannig haft bein áhrif á kjaraviðræður fjölmargra aðila. Svo virðist sem atvinnurekendur geti reitt sig á lagasetningar stjórnvalda og þannig vikið sér undan þeirri ábyrgð sem á þeim hvílir um að gera kjarasamninga við starfsmenn.

Skrifstofan er opin á virkum dögum frá kl: 09:00 - 13:00, 1. júní - 31. ágúst.

Fimmtudaginn 26. maí lauk rafrænni kosningu um nýjan kjarasamning FÍA við Flugfélagið Mýflug.

Niðurstaða er eftirfarandi: Á kjörskrá voru 10 flugmenn, atkvæði nýttu 7 sem gerir 70% kjörsókn.

Allir sem greiddu atkvæði sögðu já, enginn sat hjá, þannig að samningurinn er samþykktur 100% m.v. þá sem tóku afstöðu.

Samingurinn gildir til 31. desember 2017.

Á ársfundi EFÍA sem haldinn var þann 11. maí sl. lagði stjórn sjóðsins fram tillögur um breytingar á samþykktum sjóðsins. Um er að ræða tillögur um aukningu áunninna réttinda allra sjóðfélaga um 3% miðað við réttindi í árslok 2015.

Samkvæmt samþykktum sjóðsins skal fara fram allsherjaratkvæðagreiðsla sjóðfélaga um samþykktarbreytingar. Bréf með vefslóð inn á kosningavef og kosningarkóða, ásamt tillögum stjórnar um breytingar á samþykktum sjóðsins, hefur verið sent til sjóðfélaga.

Atkvæðagreiðsla hefst kl. 10:00 þann 23. maí og lýkur kl. 10:00 þann 6. júní.

Ef einhverjar spurningar vakna eða ef tölvupóstur eða bréf með kosningakóða og hlekk á vefslóð kosninganna berst ekki sjóðfélaga, er sá hinn sami hvattur til að hafa samband við Svein G. Þórhallsson hjá Lífeyrisþjónustu Arion banka í síma 444 7721, eða hafa samband í þjónustusíma sjóðfélaga 444 8960 eða senda póst á efia@arionbanki.is. Stjórn sjóðsins veitir einnig fúslega upplýsingar.