Félag íslenskra atvinnuflugmanna lýsir yfir áhyggjum af stöðu flugmanna Landhelgisgæslunnar
Félag íslenskra atvinnuflugmanna lýsir yfir áhyggjum af stöðu flugmanna Landhelgisgæslunnar
Félag íslenskra atvinnuflugmanna lýsir yfir þungum áhyggjum af stöðu flugmanna Landhelgisgæslunnar (LHG). Flugmenn LHG bíða enn eftir að samið verði um nýjan kjarasamning en unnið hefur verið að slíkum samningi nú í fimm ár. Á sama tíma hafa flugmenn LHG lagt allt sitt undir til að halda uppi háu þjónustustigi þrátt fyrir undirmönnun og hægan samningsvilja af hálfu ríkisins.
Þá liggur fyrir að Landhelgisgæslan þrýstir á flugmenn að standa vaktina þrátt fyrir að vera búnir með hámarks vakttíma og í orlofi og veikindum sem FÍA telur verulega alvarlegt og ganga gegn öllum reglum varðandi flugöryggi og réttindum flugmanna. Félag íslenskra atvinnuflugmanna lýsir yfir þungum áhyggjum af stöðunni enda blasir við að fjöldi útkalla er í hámarki yfir sumartímann sem nú stendur yfir. Áhyggjur félagsins varðar almannahagsmuni í landinu og flugöryggi.
Að mati FÍA hafa viðræður fyrst og fremst tafist að tilstuðlan samninganefndar ríkisins (SNR). Unnið hefur verið að nýjum heildstæðum samningi í hartnær tvö ár þar sem unnið hefur verið að lausn á þeim deilumálum sem út af stóðu og boðað hafi verið til vöfflukaffis hjá ríkissáttasemjara í lok júní. Á þeim tímapunkti hafi SNR þó skyndilega dregið alla vinnuna til baka og ekki hefur verið boðað til fundar af hálfu ríkissáttasemjara síðan þá.
Fjármálaráðuneytið ræðst með þessu á verkfallsréttalausa starfsstétt en enn alvarlegra er að flugöryggi Landhelgisgæslunnar er stefnt í hættu með grafalvarlegum afleiðingum fyrir fólk sem þarf nauðsynlega á þeirri þjónustu að halda. Virðingarleysi stjórnvalda gagnvart þessari mikilvægu framvarðasveit landsins er með öllu óásættanlegt að mati FÍA.
Lesa meira
YFIRLÝSING STÉTTARFÉLAGA FLUGMANNA Á NORÐURLÖNDUNUM OG LETTLANDI
Stéttarfélög flugmanna á Norðurlöndunum og í Lettlandi leggja í dag fram neðangreinda yfirlýsingu og vilja með henni benda á þá vankanta sem nú eru á reglugerðum í Evrópu. Neytendur hafa hagnast töluvert af þeirri stöðu sem er nú er í gildi en á kostnað flugliða og hefur þetta leitt til útbreiddar misnotkunar á félagslegum réttindum þeirra.
Með yfirlýsingunni er skorað á framkvæmdastjórn Evrópusambandsins að setja skýrari reglur varðandi starfsumhverfi flugmanna í Evrópu. Vankantar á reglugerðum Evrópu skekkja mjög samkeppnishæfni sumra flugfélaga í Evrópu og beinlínis knýja flugfélög til þess að horfa hýru auga á lægsta samnefnara innan álfunnar þegar kemur að viðskipta og stjórnunarháttum.
Fyrirliggjandi endurskoðun á reglugerð 1008/2008 er kjörið tækifæri til þess að knýja fram heilbrigðari atvinnuskilyrði og binda enda á félagsleg undirboð, skattalagabrot og brenglaða vinnulöggjöf.
Með yfirlýsingunni er einnig lagt fram stöðuskjal sem fer nánar yfir efnið, sjá tengla hér:
Yfirlýsingin: https://flyger.no/images/dokumenter/NPS-Statement-1008.pdf
Position Paper: https://flyger.no/images/dokumenter/NPS-Position-1008.pdf
Lesa meira
Sumaropnun á skrifstofu
Skrifstofa FÍA er opin alla virka daga frá kl. 9:00 - 13:00 frá 1. júní til 31. ágúst.
Lesa meira
Kotra - fréttabréf FÍA
Kotra - fréttabréf apríl
Kotra fréttabréf FÍA er komið út.
Hægt er að nálgast blaðið hér
Allar hugleiðingar og ábendingar eru vel þegnar. Einnig góðar ljósmyndir úr starfi, af hinum ýmsum toga. Netfangið er frettabref@fia.is
Lesa meira
Kotra - Fréttabréf FÍA
Kotra fréttabréf FÍA er komið út.
Hægt er að nálgast blaðið hér
Allar hugleiðingar og ábendingar eru vel þegnar. Einnig góðar ljósmyndir úr starfi, af hinum ýmsum toga. Netfangið er frettabref@fia.is
Lesa meira
Fréttabréf FÍA - Kotra
Fréttabréf FÍA - Kotra, er komið út.
Smellið hér til að lesa blaðið.
Allar hugleiðingar og ábendingar eru vel þegnar. Einnig góðar ljósmyndir úr starfi, af hinum ýmsum toga. Netfangið er frettabref@fia.is
Lesa meira
Rannsókn á atvinnu og líðan flugmanna
FÍA HVETUR FÉLAGSMENN TIL AÐ TAKA ÞÁTT Í GHENT RANNSÓKNINNI Á ATVINNU OG LÍÐAN FLUGMANNA
Félagsmönnum FÍA hefur verið boðið að taka þátt í rannsókn á atvinnu og líðan flugmanna og flugliða á vegum ECA, ETF, ENAA og Ghent University (Belgíu), sem studd hefur verið fjárhagslega af framkvæmdastjórn Evrópusambandsins.
Þátttaka þín er mikilvægt innslag í því að kortleggja atvinnuskilyrði flugmanna þvert á Evrópu !
Markmið þessarar rannsóknar er að gefa skýra yfirsýn yfir atvinnulandslag í flugiðnaðinum, 10 árum eftir UGent tilraunaverkefnið um „óhefðbundið ráðningarfyrirkomulag í fluggeiranum“ (2014), til að geta hvatt og stýrt frekari lagabreytingum ef þörf krefur.
Dreifðu endilega orðinu, fylltu út spurningalistann og vertu viss um að hver og einn samstarfsmaður þinn svari honum líka!
- Tengill á rannsókn fyrir flugmenn : https://ghentpmwop.eu.qualtrics.com/jfe/form/SV_4SFPkaLrIi3bHDM
Könnunin tekur einungis nokkrar mínútur og frestur er til 18. nóvember til að svara!
Frekari upplýsingar um Ghent rannsóknina (Ghent Study V.2) má finna hér: Join us in shaping the future of aviation employment! | European Cockpit Association (ECA)
Lesa meira
Reykjavík Flight Safety Symposium 2024
Öryggisráðstefnan Reykjavík Flight Safety Symposium haldin í áttunda sinn
Öryggisnefnd Félags íslenskra atvinnuflugmanna stóð fyrir öryggisráðstefnunni ,,Reykjavík Flight Safety Symposium“ í áttunda sinn í Gullhömrum, Reykjavík. Ráðstefnan, sem hefur fest sig í sessi sem einn mikilvægasti vettvangur fyrir umræður um flugöryggi á Íslandi, var afar vel sótt í ár og mættu um 140 þátttakendur frá ýmsum sviðum flugiðnaðarins, bæði innanlands og erlendis.
Fjölbreytt dagskrá og fræðandi umræður
Ráðstefnan var full af góðum og áhugaverðum fyrirlestrum og umræðum um ýmis brýn málefni tengd flugöryggi. Svandís Svavarsdóttir, innviðaráðherra, setti ráðstefnuna með opnunarávarpi þar sem hún lagði áherslu á mikilvægi flugöryggis í nútíma samgöngum og ítrekaði meðal annars að skýrslan um Hvassahraun væri ekki ákvörðunarpunktur heldur þyrfti fleiri rannsóknir til frá sérfræðingum. Eftir setningu ráðstefnunnar tók Niklas Ahrens, flugmaður og meðlimur vinnuhóps IFALPA, við með fyrirlestur um GPS truflanir í flugi og þær ógnir í netöryggi sem fluggeirinn stendur frammi fyrir í framtíðinni. Fyrirlesturinn vakti mikla athygli, enda fjallaði hann um nýjar áskoranir í flugheiminum sem hafa áhrif á alla þátttakendur í iðnaðinum. Aðrir fyrirlesarar fjölluðu m.a. um GPS truflanir út frá sjónarhorni flugrekanda, reynsla fjarturna í Svíþjóð út frá sjónarhorni flugmanna, andleg heilsa, skapandi og gefandi samskipti og innleiðingu á Airbus flota Icelandair á komandi misserum. Að lokum flutti Jón Hörður Jónsson, formaður öryggisnefndar stutta hugvekju um flugöruggismál og sleit ráðstefnunni. Jóhannes Bjarni Guðmundsson, betur þekktur sem Jói Baddi í Flugvarpinu, var fundarstjóri.
Sterkur vettvangur fyrir framtíðarumræður
Reykjavík Flight Safety Symposium hefur sannað gildi sitt sem vettvangur fyrir faglega umræðu um flugöryggi og snertir á málefnum sem skipta flugiðnaðinn verulegu máli fyrir alla hagaðila sem koma að flugreksri með einum eða öðrum hætti.
Öryggisnefnd FÍA vill koma á framfæri þakklæti til allra fyrirlesara fyrir frábærar kynningar, hagaðila fyrir koma og taka virkan þátt í ráðstefnunni og þá styrktaraðila sem styrktu ráðstefnuna.
Hér má finna erindi frá fyrirlesurum.
Hér má finna myndir af ráðstefnunni.
Lesa meira
FÍA styður Aeromexico Pilot Group í kjaraviðræðum
Félag íslenskra atvinnuflugmanna styður kjarabaráttu flugmanna Aeromexico Pilot Group.
Félagsmenn Aeromexico Pilot Group eru kjaraviðræðum við sinn vinnuveitanda um þessar mundir,
Félags íslenskra atvinnuflugmanna sendi þeim stuðningsyfirlýsingu og hana má sjá hér fyrir neðan:
September 24th 2024
Reykjavik, Iceland
Dear Captain Jesus Ortiz-Alvarez and secretary general CC: Sebastian Curras
This letter is written on behalf of the members and board of the Icelandic Airline Pilots Association (FIA) and fully reflects our combined opinion on the matters at hand.
Regarding the issue of the ASPA de Mexico, the Aeroméxico pilot group and the Aeroméxico Management.
We, the Icelandic Airline Pilots Association (FIA), are committed to working with ASPA to ensure that all members can expect and receive the right to open and constructive negotiations. It is clearly not an effective solution for any management group to dismiss, out of hand, any sensible negotiations by their employees.
We, the Icelandic Airline Pilots Association (FIA) are fully in support of ASPA working to secure a mutually acceptable outcome and if necessary, any industrial action that is needed in support of this effort.
With best regards,
Jonas Gudmundsson
Director of International Affairs
Icelandic Airline Pilots Association
Lesa meira
Nýtt fréttabréf FÍA - Kotra
Kæru félagar
Það hefur alltaf verið metnaður FÍA að standa í öflugri útgáfustarfsemi. Fréttabréf okkar hefur verið gefið út um árabil og verið vettvangur umræðu þess sem efst er á baugi hverju sinni. Í dag kemur fréttabréf okkar út í nýju broti og hefur loks fengið nafn.
Það er von okkar að nýja bréfinu verði vel tekið og við viljum hvetja alla félagsmenn til að leggja okkur lið. Allar hugleiðingar og ábendingar ykkar félagmanna eru vel þegnar. Einnig góðar ljósmyndir úr starfi, af hinum ýmsum toga. Netfangið er frettabref@fia.is
Bréfið er að finna bæði í appinu sem og á heimasíðu félagsins.
Kær kveðja
FÍA
Lesa meira
Félagsfundur FÍA
Félagsfundur FÍA
Félagsfundur FÍA verður haldinn þriðjudaginn 8. október n.k kl. 20.00. Fundurinn verður haldinn í Grjótnesi, fundarsal FÍA í Hlíðarsmára 8.
Dagskrá fundar:
Málefni flugrekenda:
- Icelandair
- Air Atlanta
- Landhelgisgæslan
- BBN
- Mýflug
- Ernir
- Önnur mál
Félagsmenn eru hvattir til að mæta.
*English*
FIA union meeting will be held on Tuesday October 8th, at 20.00 in Grjótnes which is located in FIA headquarters, Hlíðasmári 8.
Agenda
Airline issues:
- Icelandair
- Air Atlanta
- Landhelgisgæslan
- BBN
- Mýflug
- Ernir
- Other matters
All members are encouraged to attend.
Lesa meira
FÍA styður kjarabaráttu Vereinigung Cockpit
Félag íslenskra atvinnuflugmanna styður kjarabaráttu flugmanna Vereinigung Cockpot
Þeir félagsmenn hjá Vereinigung Cockpiteru kjaraviðræðum við sinn vinnuveitanda.
Félags íslenskra atvinnuflugmanna sendi þeim stuðningsyfirlýsingu í aðdraganda verkfallsins og hana má sjá hér fyrir neðan:
August 30th 2024
Reykjavik, Iceland
Dear Dr. Marcel Gröls CC: Sebastian Curras
This letter is written on behalf of the members and board of the Icelandic Airline Pilots Association (FIA) and fully reflects our combined opinion on the matters at hand.
Regarding the issue of the Vereinigung Cockpit (VC) and the EW Discover management:
We, the Icelandic Airline Pilots Association (FIA), are committed to working with VC to ensure that all members can expect and receive the right to open and constructive negotiations. It is clearly not an effective solution for any management group to dismiss, out of hand, any sensible negotiations by their employees.
We, the Icelandic Airline Pilots Association (FIA) are fully in support of VC working to secure a mutually acceptable outcome and if necessary, any industrial action that is needed in support of this effort.
With best regards,
Jonas Gudmundsson
Director of International Affairs
Icelandic Airline Pilots Association
Lesa meira
-
-
- Síða 1/28
-
-
