Um íslensk flugfélög
Fréttir um uppsagnir hjá Icelandair síðustu mánuði hafa endrum og eins velt upp spurningum fréttamanna um hver staðan sé hjá Iceland Express. Í frétt RÚV í gærmorgun um málið var haft eftir framkvæmdastjóra Iceland Express að engar uppsagnir á flugmönnum væru á döfinni hjá félaginu. Merkilegt? Nei, því það eru engir flugmenn starfandi hjá Iceland Express og hafa aldrei verið. Fyrirtækið selur farmiða með erlendum flugfélögum, en hefur gert kjarasamning við Flugfreyjufélag Íslands um störf þeirra um borð. Iceland Express er nefnilega ekki flugfélag og persónulega dreg ég í vafa lögmæti þess að fyrirtæki sem ekki er með leyfi til flugrekstrar frá Flugmálastjórn, skuli óhindrað ráða til sín flugfreyjur- og þjóna eða flugliða eins og það heitir í reglugerð.
Lesa meira
Flugfélög án flugmanna
Það ríkir hörð samkeppni um flugfarþega á Íslandi og ekki hvað síst núna þegar virðist kreppa að í fjárhagi almennings og hátt eldsneytisverð að sliga fólk og fyrirtæki. Það er mikilvægt að fólk geri sér grein fyrir hvað flugfarþegar eru að kaupa í farmiða og hvað þau fyrirtæki sem selja miðann standa fyrir. Fyrirtækið Iceland Express kallar sig lágfargjaldaflugfélag, en er ekki flugrekandi, sem sagt handhafi flugrekstrarleyfis frá Flugmálastjórn Íslands. Það þýðir að Iceland Express býr ekki við þær kvaðir eða skyldur sem almennt tíðkast um þau fyrirtæki sem kalla sig flugfélög. Þegar þú kaupir farmiða með Iceland Express ertu að í raun að kaupa farmiða með erlendum flugfélögum. Flugfélög sem fljúga undir merkjum Iceland Express eru t.d. svissneska flugfélagið FlyHello og breska félagið Astreus. Þau eru bæði með útgefin flugrekstrarleyfi í sínu heimalandi, FlyHello í Sviss og Astreus í Bretlandi. Engir flugmenn sem vinna hjá þessum félögum starfa samkvæmt íslenskum kjarasamningi...
Lesa meira
Flugið er stór iðja
Fjöldauppsagnir flugfólks hjá Icelandair hafa verið mikið til umfjöllunar í fjölmiðlum síðustu daga og m.a. hér í þessu blaði. Það er afskaplega sorglegt þegar burðarásar í atvinnulífinu eins og Icelandair þurfa að grípa til jafn róttæks niðurskurðar og raunin er. Verði af þessum uppsögnum mun það hafa gríðarlega slæm áhrif á mörg heimili. Mig langar hins vegar til að vekja hér athygli á nokkru sem er EKKI í fréttum og tengist stétt flugmanna...
Lesa meira
þetta vefsvæði byggir á eplica.
eplica vefsvæði